ال[center]سلام عليكم
كيراكم لاباس؟؟ معليكمش بخير؟؟
اوا غاية..]
[
سمعوا راني شريت ليسونس وزلاميت هدا مشي غير تهديد ووعيد لابن زيدون ايوا راني عولت واتوكلت على الله
مي قبل ما نشعل العود قولولي؟:
وش دخلتوا تحبسوني باش منحرقش روحي ولا تشجعوني وتقولولي: احرقي احرقي..وماشي الحرقة لبلاد برا راني غادي نفرغ ليسونس ونشعل النار
وخليها تgدي الا بغات تgدي
وااش ما عجبكمش الحال؟؟ جات غير عليا انا؟؟
راه يا جماعة الظاهرة انتشرت وصار كل من هب ودب يشري قرعة بنزين وعود كبريت وباي باي يا دنيا
كانت مشكلتنا الاطفال لي يلعبوا بالمحارق والشموع في المولد الشريف نخافوا عليهم يحرقوا رواحهم..ودرك ولاو لكبار القدوة الملتهبة يشعلوا رواحهم..
اللي رافض نظام بلده يحرق نفسه..لي ما عطاولوا سكن اجتماعي يحرق نفسه...اللي كلاو خاوته عشاه يحرق روحه..الا قاتلوا خطيبتوا وقتاش العرس يحرق نفسه..
الا كره من الدراسة يحرق نفسه..لي ماشي زابطة معها تسريحة الشعر تحرق نفسها...اللي تفوتها حلقة من لميس تحرق روحها..
وش هدا؟؟... ليكونوا عاملين
"عرب فاير ايدول"
او
" عرب احتراق اكاديمي" ؟!!
وانا مش دارية؟؟؟؟
ياااك حتى البنزين راهم زادوا فيه يعني من يحرق نفسه لا يعاني من سوء المدخول طالما استطاع شراء البنزين
دا حتى المسؤولين وذوي الخبرات الاقتصادية ولي سهروا على ان يحصل المواطن على تمن الرغيف بشق الانفس يتسائلون:
المواطن جاااب حق البنزين منين؟؟؟؟
هذا دليل على رغد العيش وعلى ارتفاع القدرة الشرائية
كل يوم نسمعوا خبر شاب احرق نفسه ..
أ لهذه الدرجة تهون النفس على صاحبها؟؟
مهما عظم المشكل فهو لا يستحق ان يقتل المرء نفسه فكيف لو كان القتل بالنار؟؟؟!!!!!
وبما ان المرأة مسكينة دايمن كبش الفدا مش بعيد يخرجونا بشعار "وراء كل رجل حارق نفسه امرأة"
تقبلو تحياتي